Исроил кучлари босиб олинган Ғарбий Соҳилда 200 денюм (200 минг кв.м)га яқин ерни бульдозер билан йўқ қилди. Бу ҳақда Умму Сафо (Рамаллаҳ) посёлкаси муниципал кенгаши раҳбари Мерван Саббоҳ Анадолу агентлигига маълум қилди.
Унинг сўзларига кўра, Исроил қўшинлари эрталаб минтақада рейд ўтказган.
Умма Сафо шаҳрида Исроил кучлари томонидан вайрон қилинган эрларда зайтун дарахтлари ва узум етиштирилган, деди Саббаҳ.
Муниципал кенгаш раҳбарининг таъкидлашича, Исроил кучларининг ҳаракатлари маҳаллий аҳолининг норозилигига сабаб бўлган, хавфсизлик кучлари эса уларни тарқатиш учун кўздан ёш оқизувчи газ ва ҳақиқий ўқлардан фойдаланган.
Саббаҳнинг сўзларига кўра, Исроил ҳукумати «фаластинлик деҳқонлар ерларини назорат қилиш учун минтақани тозалашга уринишмоқда».
Айни пайтда Фаластин ерларини ишғол қилган исроилликлар, Рамаллаҳ шимолидаги Турмус Ая атрофидаги ҳудудга босқин уюштирди.
Гувоҳларнинг сўзларига кўра, исроилликлар қишлоқ хўжалиги омборига ўт қўйишган ва фаластинликларнинг уйлари деворларига иброний тилида ёзишган.
2023 йилнинг 7-октабр куни Исроил армияси Ғазо секторида агрессияни бошлаганидан бери Ғарбий Соҳил ва Шарқий Қуддусда фаластинликларга қарши ҳибсга олишлар, рейдлар ва ҳужумлар сони ортиб бормоқда.
Босқин остидаги Ғарбий Соҳил ва Шарқий Қуддусда 2023 йил 7-октабрдан бери Фаластин ерларини ўзлаштирган Исроил ҳарбийлари ва исроилликларнинг ҳужумлари натижасида 571 нафар фаластинлик ҳалок бўлди.
Мактабларда кузги таътил вақти эълон қилинди
Эрон ўраб олинмоқда
Антарктида яшил рангга айлана бошлади
