Исроил бугун ХАМАС билан янги келишув доирасида гаровга олинган дастлабки уч киши озод этилишини кутмоқда

Исроил Бош вазири Бенямин Нетаняху идорасидан берилган баёнотга кўра, Ҳамас озод этилиши режалаштирилган уч аёлнинг исмлари рўйхатини топширди. Булар Роми Гонен, Эмили Дамари ва Дорон Штайнбрехер.

Ўт очишни тўхтатиш келишуви дастлаб 7:30 да бошланиши режалаштирилган бўлса-да, Марказий Европа вақти билан 10:15 да кучга кирди. Кечиктиришга гаровга олинганлар рўйхатини кеч тақдим этган ХАМАС гуруҳи ўз мажбуриятларини ўз вақтида бажармагани сабаб бўлган. Жангарилар кечикишни “техник сабаблар” билан изоҳлаган, Исроил эса рўйхатни олишдан олдин Ғазодаги Хамас позицияларига ҳужум қилишда давом этган.

Уч нафар гаровга олинган биринчи гуруҳ бугун соат 15:00 да Исроилга қайтиши керак. Дастлабки олти ҳафта ичида яна 30 кишини озод қилиш режалаштирилган. Исроил томони маълумотларига кўра, 98 киши ҲАМАС томонидан асирда қолган.

Яқин Шарқ бўйича эксперт Майкл Хоровитснинг қайд этишича, келишувни амалга ошириш биринчи босқичдан кейинги босқичларга ўтишда қийинчиликларга дуч келиши мумкин.

“Доимий ўт очишни тўхтатиш шартлари ҳали келишиб олинмаган ва биринчи босқични амалга ошириш жараёнида муҳокама қилинади”, — дея қўшимча қилди у.