Украинанинг тўртинчи президенти Виктор Януковичнинг собиқ маъмурият раҳбари ўринбосари Андрей Портнов 21 май куни Мадрид вилоятидаги Посуэло-де-Аларкон шаҳрида ўлдирилди. Бу маълумотни Испания полицияси тасдиқлади.
El Pais нашри маълумотига кўра, Портнов Аmerican мактаби дарвозаси ёнида, фарзандларини мактабга олиб келган вақтда ўлдирилган. Портнов автомобилига ўтирмоқчи бўлган пайтда унга икки ёки уч киши яқинлашиб, ўқ узишган. У бештадан кам бўлмаган ўқ жараҳати олган, улардан учтаси бошига теккан. Портнов воқеа жойида ҳалок бўлган.
Ҳужумчилар ўрмонга қочиб кетишган. Полиция қандай қурол ишлатилганини очиқламаган. Ҳибсга олинганлар ҳақида маълумот йўқ.
51 ёшли Портнов Луганск вилоятида туғилган. У ҳуқуқшунос бўлиб ишлаган ва 2006 йили Украина Олий Радаси депутати этиб сайланган. 2010 йилги президентлик сайловларида Юлия Тимошенко мағлуб бўлгач, унинг манфаатларини судда ҳимоя қилган. 2011–2014 йилларда Виктор Януковичнинг маслаҳатчиси, сўнгра эса президент маъмурияти раҳбари ўринбосари бўлган. 2015 йили Украинадан чиқиб кетган, 2019 йили эса мамлакатга қайтиб келиб, президент Володимир Зеленскийни қўллаб-қувватлашини билдирган. Портноаюв 2022 йил июн ойида яна Украинадан чиқиб кетган.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
