Жиноий гуруҳни ҳибсга олиш операцияси давомида Испания полицияси фашистлардан қолган буюмлар сақланадиган жойни топди.
Ушбу ҳолат акс этган видеоролик полициянинг “YouTube” каналида эълон қилинди.
Таъкидланишича, қўлга олинган жиноий гуруҳ фаолияти Испаниянинг жанубий Коста-дель-Соль минтақасида қурол-яроғ савдосига ихтисослашган.
Амалиёт натижасида Германиянинг икки ва Буюк Британиянинг бир фуқароси ҳибсга олинган.
Топилмалар ичида фашистларнинг кийимлари, байроқлари ва бошқа буюмлари қайд этилган.
Бундан ташқари, 121 та қурол, 22 та автомат ва 8 та бошқа кўринишдаги қуроллар ҳам топилган.
