Испания терма жамоасининг асосий ва қўшимча ўйин вақтларидаги мағлубиятсиз серияси УЕФА Миллатлар лигасида Англияга қарши баҳсда якунланди.
Луис де ла Фуэнте бошқараётган жамоа мусобақа гуруҳ босқичининг 6-турида англияликларга 2:3 ҳисобида имкониятни бой берди.
Мазкур учрашувга қадар Испания терма жамоаси кетма-кет 12 та ўйинда ғалаба қозонган эди.
Испанияликларнинг асосий ва қўшимча вақтлардаги мағлубиятсиз серияси эса 43 та учрашувга етганди.
Жамоа сўнгги бор 2024 йилнинг март ойида Колумбияга қарши ўртоқлик учрашувида 0:1 ҳисобида мағлуб бўлган.
Ўшандан кейин Испания терма жамоаси 43 та баҳсда 34 марта ғалаба қозониб, 9 марта дуранг қайд этган.
Шу давр мобайнида испанияликлар 2025 йилги Миллатлар лигаси финалида Португалияга пенальтилар сериясида имкониятни бой берган эди.