Испания 500 минг евролик олтин визаларни бекор қилмоқда

2025-йил апрелидан Испания “олтин визалар” – инвестиция эвазига хорижликларга яшаш учун рухсатнома беришни тўхтатади.

Бу расмий давлат газетасида эълон қилинган тузатишлардан келиб чиқади.

“Ушбу ўтиш даври қоидаси кучга кирган санада амал қиладиган визалар ва инвестор рухсатномалари улар берилган муддат давомида амал қилади”, — дейилади ҳужжатда.

Ўзгартиришлар кучга киргунга қадар виза олиш учун мурожаат қилган инвесторлар ёки уларнинг қариндошлари уларни "ариза берилган санадаги амалдаги қоидаларга мувофиқ" олишлари мумкин.

"Олтин виза" дастури Европа Иттифоқига аъзо бўлмаган мамлакатлар фуқароларига, биринчи навбатда, кўчмас мулкка инвестициялар орқали яшаш гувоҳномасини олиш имконини беради. Испанияда энг кенг тарқалган вариант - минимал 500 минг еврога кўчмас мулк сотиб олиш. Бошқа вариантлар - Испания компаниялари акцияларига 1 миллион евро ёки Испания давлат қимматли қоғозларига 2 миллион евро сармоя киритиш.