Ироқ ҳукумати Ливаннинг «Ҳизбуллоҳ» ҳаракати ва Ямандаги хусийлар гуруҳини активларни музлатишга тортилган тузилмалар рўйхатидан расман чиқарди. Бу қарор якшанба куни Террорчилик активларини музлатиш бўйича қўмита томонидан қабул қилинган бўлиб, уларни рўйхатга дастлаб киритиш ҳақидаги қарор фактик равишда бекор қилинди.
Қўмитанинг резолюциясида таъкидланишича, ушбу гуруҳлар «қарор қоидалари доирасига кирмайди», чунки рўйхат фақат ДАЕШ ва «Ал-Қоида»га алоқадор шахслар ва тузилмалар билан чекланган. Бундай қарор 17 ноябрдаги расмий бюллетенда уларнинг активлари музлатилиши керак бўлган объектлар сифатида қўшиб қўйилгани ортидан юзага келган сиёсий тортишувларнинг ортдан қабул қилинди.
Пайшанба куни қўмита уларни рўйхатга киритиш «хато натижаси» бўлганини билдириб, уни дарҳол тузатишини маълум қилди. Шу куни Ироқ Бош вазири Муҳаммад Шиа ал-Суданий шошилинч текширув ўтказишни буйруқ қилди ва эълон қилинган қарор «амалдаги сиёсий позицияни акс эттирмаганини» қайд этди. У Ироқнинг Ливан ва Фаластин аҳолисига нисбатан сиёсий ва гуманитар позицияси ўзгармаслигини урғулади.
Жума куни Ироқ Президентлиги ушбу гуруҳларни дастлабки рўйхатга киритиш бўйича ҳеч қандай маълумотга эга бўлмаганини ва бундай қарорга розилик бермаганини маълум қилди.
Эрон олий раҳбари телевидение орқали мурожаат қилади
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Эрон нега араб давлатларига зарба бермоқда?
