Ироқ ҳукумати сентябрь ойида Саудия Арабистонига уюштирилган ҳужумларга Эрон томонининг алоқадорлиги бўйича Бағдодда далиллар пайдо бўлгани сабабли Эрон билан чегарадаги назорат-ўтказиш пунктларининг (НАЎП) катта қисмини ёпди.
Бу ҳақда Shafaq News портали манбага таяниб ёзмоқда.
Нашр суҳбатдошининг маълумотларига кўра, Эрон билан чегарадаги НАЎПларни ёпиш ҳақидаги фармонни шахсан мамлакат бош вазири Али аз-Зейди берган.
Ироқ расмийлари Теҳрон нафақат Саудиянинг "Шарқ — Ғарб" нефть қувурига берилган зарбага алоқадор, балки чегараолди ҳудудларига дронларни йиғиш учун бутловчи қисмларни импорт қилган, деб ҳисобламоқда. Ушбу дронлардан кейинчалик Саудия Арабистонига ҳужум қилишда фойдаланилган.
Эслатиб ўтамиз, "Шарқ — Ғарб" транс-саудия нефть қувурининг Ар-Риёд ва Мадина ҳудудларидаги фаолияти жорий йилнинг 10 сентябрь куни эрталаб содир бўлган бир нечта ҳужумлардан сўнг эҳтиёт чораси сифатида тўхтатилган эди. Кейинчалик ҳужумлар Ироқ ҳудудидан туриб амалга оширилгани аниқланган. Ўшанда Аз-Зейди ҳужум ҳолатларини зудлик билан текшириш, ташкилотчиларни аниқлаш ва барча алоқадорларни жавобгарликка тортиш бўйича топшириқ берган эди.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
