Интернет тармоғида Аргентина миллий жамоаси ва унинг сардори Лионель Мессини амалдаги Жаҳон чемпионатидан четлатишни талаб қилувчи петиция кенг муҳокамаларга сабаб бўлмоқда.
Ташкилотчиларнинг маълум қилишича, мазкур ташаббусни ҳозирга қадар 3,5 миллиондан ортиқ фойдаланувчи қўллаб-қувватлаган.
Петиция муаллифлари Аргентина миллий жамоасини мусобақадан четлатиш ва унинг ўрнини бошқа жамоага олиб беришни талаб қилмоқда. Уларнинг фикрича, FIFA ҳакамлари атайлаб Аргентина ҳамда Лионель Месси фойдасига қарорлар чиқариб, қолган жамоаларга нисбатан адолатсизликка йўл қўймоқда. Ҳатто чемпионат ғолиби олдиндан белгилаб қўйилгани ҳақидаги кескин даъволар ҳам илгари сурилган.
"Эслатиб ўтамиз, ЖЧ-2026 чорак финалида аргентиналиклар Швейцарияни 3:1 ҳисобида мағлуб этиб, мусобақанинг ярим финалига йўл олган эди. Ўша учрашувда Швейцария ҳужумчиси Брил Эмболо жамоаси гол урганидан бор-йўғи беш дақиқа ўтиб қизил карточка олган ва майдонни эрта тарк этишга мажбур бўлганди. Бу вазият ҳам кўплаб баҳсларга сабаб бўлган", — дейилади хабарда.
Маълумот учун, Лионель Скалони бошчилигидаги Аргентина терма жамоаси жаҳон чемпионатининг ярим финалида Англия миллий жамоасига қарши майдонга тушади.
"100 миллион доллар эвазига ҳатто ўз отамнинг ҳам юзига ураман"
Шавкат Раҳмонов энди октагонга умуман қайтмайди
Ўзбек футболчиси УЕФА Чемпионлар лигасида еттинчи учрашувини ўтказди
