Украина Президенти Владимир Зеленский Киевнинг Nord Stream 1 ва Nord Stream 2 газ қувурларини портлатиш операциясини режалаштириш ёки амалга оширишда иштирок этгани ҳақидаги даъволарни рад этди.
Украина раҳбари бу ҳақда Киевда бўлиб ўтган матбуот анжуманида айтди.
"Киев воқеанинг барча ҳолатларини аниқлаш учун шериклар билан биргаликдаги саъй-ҳаракатларга очиқ; Украина ҳуқуқни муҳофаза қилиш органлари аллақачон бу ҳамкорликда иштирок этган. Бу Украина томони бу масалани Германия билан юқори даражада муҳокама қилган биринчи ҳолат эмас. Улар Украина ушбу операцияни амалга ошириш ёки режалаштириш ортида турмаганлигини яхши билишади. Ҳозирда тергов олиб борилмоқда, унинг давомида айбловлар қўйилмоқда ва гувоҳлар сўроқ қилинмоқда. Бундан ташқари, фуқаролар, жумладан, украиналиклар билан боғлиқ ҳолатлар текширилмоқда. Бош прокуратура ва Украина Ташқи ишлар вазирлиги бу масалани кўриб чиқмоқда ва ўз шериклари билан доимий алоқада. Биз ҳамма нарсага очиқмиз. Украина учун тўлиқ кўламли уруш бошланганидан бери уни қўллаб-қувватлаб келган Европа мамлакатларининг шериклиги ва ишончини йўқотмаслик муҳим", деди Украина раҳбари.
Газ қувуридаги портлашлар 2022 йил сентябрь ойида, Россия-Украина уруши бошланганидан етти ой ўтгач содир бўлган ва Nord Stream 1 ва Nord Stream 2нинг тўртта линиясидан учтасига зарар етказган.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
