«Интер» Инзагининг кетишини эълон қилди

«Интер» Симоне Инзагининг кетишини эълон қилди.

Милан клубининг хабар беришича, 49 ёшли мутахассис билан шартнома ҳар икки томоннинг келишувига кўра бекор қилинди. Қарор бугун мураббийнинг раҳбарият билан учрашувида қабул қилинган.

Инзаги «Интер»ни 2021 йил ёзидан бери бошқараётганди. Унинг қўл остидан 6 та соврин ютди — бир бор А Сермя, икки марта Италия кубоги ва 3 марта мамлакат суперкубоги. Шунингдек, жамоа сўнгги уч йилда икки марта ЕЧЛда финалгача етиб борди.

Аввалроқ Инзаги «Ал Ҳилол» бош мураббийига айланиши хабар қилинганди.

Инсайдер Жанлука Ди Марцио ёзишича, миланликлар бош мураббийликка Франсеск Фабрегас («Комо») ёки Роберто Де Зербини («Марсел») таклиф қилишмоқчи.