ФИФА президенти Жанни Инфантино 2027 йилда ташкилот раҳбари сифатида янги муддатга номзодини қўйишини тасдиқлади. Бу ҳақда Sky News нашри иқтибос келтирган ФИФА вакили маълум қилди.
«ФИФА президенти апрель ойидаёқ 2027 йилда қайта сайланиш ниятида эканини билдирган. Албатта, ҳеч нарса ўзгаргани йўқ. Жаноб Инфантино номзодини қўяди», — деди ташкилот вакили.
Ҳозирча Инфантинонинг рақиблари йўқ. У аввалроқ ўзининг келажаги ҳақидаги саволларга аниқ жавоб беришдан қочган эди. Польшада аёллар ўртасидаги U20 жаҳон чемпионати очилишидан олдин у келажаги ҳақида «ҳали кўп гапирилишини», бироқ «бугун бунинг куни ҳам, жойи ҳам эмаслигини» айтган.
Шу билан бирга, ФИФА раҳбари федерациянинг тижорий ва тадбирлар билан боғлиқ активларининг 20 фоизини Американинг Thrive Eternal фондига 4,2 миллиард долларга сотиш режаси барбод бўлгани сабабли босим остида қолмоқда. УЕФА ташкилотдаги эҳтимолий номувофиқ бошқарув бўйича текширув бошлашга тайёргарлик кўрмоқда, бироқ ҳозирча расмий айбловлар илгари сурилмаган.
Инфантино қонунбузарлик содир этганини рад этмоқда. ФИФА эса, ўз навбатида, АҚШ расмийларига мурожаат қилиб, УЕФАни «обрўсизлантириш кампанияси» олиб бораётганликда айблади.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
