Индонезия президенти Хитой устидан қозонилган ғалабадан сўнг терма жамоа футболчиларига қимматбаҳо соатлар совға қилди

Индонезия президенти Прабово Субианто ЖЧ-2026 саралаш босқичи доирасида Хитой устидан қозонилган ғалабадан (1:0) сўнг терма жамоанинг барча футболчиларига Rolex GMT-Master II соатини совға қилди, деб хабар бермоқда Beritasatu.

Манбага кўра, бундай соат тахминан 193 миллион индонезия рупияси (тахминан 160 миллион сўм) туради.

Индонезия терма жамоаси ЖЧ-2026 саралашининг учинчи босқичи "C" гуруҳида тўртинчи ўринни эгаллаб турибди. Улар плей-офф босқичига йўл олишга яқин турибди.