Индонезия ҳуқуқий ишлар вазири Юсрил Иҳза Маҳендра исроиллик спортчиларнинг мамлакатга киришига рухсат берилмаслигини айтди.
«Ҳукумат Жакартада бўлиб ўтадиган бадиий гимнастика бўйича жаҳон чемпионатига бориш ниятида бўлган исроиллик гимнастикачиларга виза бермайди», — дея AP агентлиги Маҳендранинг сўзларидан иқтибос келтирмоқда.
Исроил гимнастика федерацияси якшанба куни Индонезиянинг ўз спортчиларининг жаҳон чемпионатида иштирок этишига тўсқинлик қилган қарори устидан шикоят қилиб, дунёдаги энг катта мусулмон давлатининг ҳаракатини «ғазабланарли» деб атади.
Жануби-Шарқий Осиё давлати жума куни Исроилнинг Ғазодаги уруши туфайли исроиллик гимнастикачиларга визани бермаганини маълум қилди. Исроил терма жамоаси 19-25 октябр кунлари Жакартада бўлиб ўтадиган бадиий гимнастика бўйича жаҳон чемпионатида иштирок этиши керак эди.
Юсрил Иҳза Маҳендранинг айтишича, бу қарор Ислом уламолари кенгаши ва Жакарта маҳаллий ҳукумати каби гуруҳларнинг эътирозларига асосланган.
Унинг қўшимча қилишича, бу ҳаракат Индонезиянинг узоқ йиллик сиёсатига мос келади ва у «Фаластин давлатининг мустақиллиги ва тўлиқ суверенитетини» тан олмагунча Исроил билан дипломатик алоқалар ўрнатмайди.
Янгиланган Cobalt'нинг нархи эълон қилинди
Дунёдаги энг қашшоқ давлатлар
АПЛ. Абдуқодир Ҳусановнинг энг қиммат футболчилар рейтингидаги ўрни аниқ бўлди
