Илон Маск Трампнинг маслаҳатчиси бўлганидан бери бойлигининг 30 фоизини йўқотди

Дунёдаги энг бой одам сиёсатга аралашди - энди у унчалик бой эмас. Bild муҳаррирлари қуйидаги рақамларга эътибор қаратдилар:

▫️Bloomberg Billionaires Index маълумотларига кўра, Илон Маскнинг бойлиги йил бошидан буён 30 фоизга - 433 дан 301 миллиард долларгача қисқарган.

Бу дегани, 2025-йил 1-январдан бошлаб Маск ҳар дақиқада 1,3 миллион доллар йўқотмоқда!

▫️Маск ўта ўнг партияларни қўллаб-қувватлаган Европада Tesla автомобиллари савдоси январ ойида ўтган йилга нисбатан 45 фоизга камайди.

▫️Тесла акциялари нархи 404 доллардан 215 долларга тушди. Компаниянинг бозор қиймати 400 миллиард доллардан кўпроққа тушиб кетди.

▫️Маскнинг Ҳукумат самарадорлиги департаменти (DOGE) бошлиғи сифатидаги фаолияти сўнгги ҳафталарда Қўшма Штатлар бўйлаб “Tesla Takedown" деб номланган норозилик намойишларига сабаб бўлди.

Душанба куни кечқурун Маск Fox Business нашрига берган интервюсида унинг бизнеси яхши кетмаётганини тан олди. Трамп маслаҳатчиси ва DOGE хўжайини бўлиб ишлаган вақтида ўз компанияларини қандай бошқараётгани ҳақидаги саволга Маск "катта қийинчилик билан" деб жавоб берди.

Қийин паллада АҚШ Президенти ўзининг “биринчи укасини” қўллаб-қувватлашга қарор қилди, у “юртимизга ёрдам бериш учун ҳамма нарсани қўйиб юборади” ва “фантастик иш” қилади! 11 март куни эрталаб Трамп Truth Social саҳифасида шундай деб ёзди:

"Эртага эрталаб мен ҳақиқатан ҳам буюк америкалик Илон Маскга ишонч ва қўллаб-қувватлашимни кўрсатиш учун янги Tesla сотиб оламан".