Илон Маскнинг X.AI компанияси Мемфисда (АҚШ, Теннесси штати) дунёдаги энг йирик суперкомпьютерни яратмоқда. Бу ҳақда Буюк Мемфис савдо палатаси раҳбари Тед Таунсенд WREG ахборот каналида маълум қилди, деб ёзади TASS.
«X.AI Gigafactory of Compute, дунёдаги энг катта суперкомпьютер Мемфисда жойлашишини эълон қилишдан хурсандман. Одамларни Марсга юбориш учун зарур бўлган ҳисоблаш ресурсларини тасаввур қилинг. Улар шу ерда, Мемфисда бўлади”, - деди у.
Савдо-саноат палатаси раҳбарининг сўзларига кўра, лойиҳани амалга ошириш учун Мемфис ва Шелби округлари иқтисодий ривожланиш идоралари, Теннесси дарёси водийси маъмурияти ва бошқа бир қанча идоралардан рухсат олиш керак бўлади.
Маълумки, суперкомпьютер сунъий интеллектга (АИ) асосланган тизимларни тезлаштириш учун мўлжалланган Nvidia H100 график процессорлари билан ишлайди. Тахминларга кўра, у аввал Швециянинг маиший техника ишлаб чиқарадиган Electrolux Group компаниясига тегишли бўлган заводда жойлашган.
Таунсенднинг айтишича, X.AI билан суперкомпьютер яратиш бўйича музокаралар шу йилнинг март ойида бошланган. Аввалроқ Маск ўз стартапи 2025 йил кузигача суперкомпьютер ишлаб чиқаришни режалаштираётганини маълум қилганди.
Майк Тайсон дуч келишни истамайдиган ягона жангчини айтди: «Унга нисбатан ҳеч кимда имконият йўқ»
Бокс бўйича жаҳон чемпиони Салим Абдувалиев билан алоқадорликда айбланди
Украинада миллионлаб одамларнинг мамлакатни оммавий равишда тарк этиши бошланади
