Фуқаролик ишлари бўйича Андижон туманлараро судининг 07.10.2024 йилдаги ижро ҳужжатига асосан даъвогар О.Н. уч нафар фарзанди билан туманнинг Дархон маҳалласидаги келин бўлиб тушган хонадонига мажбурий тартибда киритилиши белгиланган.

Мазкур ижро ҳужжати Мажбурий ижро бюроси Андижон туман бўлими иш юритувига келиб тушган ҳамда ижро иши юритиш қўзғатилиб, тарафлар бу ҳақида огоҳлантирилган.

Олиб борилган ижро ҳаракатлари давомида холислар ва мажбурий ижрога жалб этилган мутасаддилар иштирокида О.Н. уч нафар фарзанди билан ижро ҳужжатида кўрсатилган уй-жойга киритиб қўйилди ҳамда бу ҳақида тегишли тартибда далолатнома расмийлаштирилди.