Майк Тайсон ва Жейк Пол ўртасидаги ҳар бири икки дақиқадан саккиз раундга мўлжалланган бокс жанги профессионал мақомга эга жанг бугун, 15 ноябрь куни АҚШнинг Техас штати, Арлингтон шаҳрида бўлиб ўтди. Ушбу қарама-қаршилик Netflix стриминг платформаси орқали трансляция қилинди.
8 раунд давом этган жангда блогер-боксчи Жейк Пол тўлиқ устунлик қилди ва афсонавий боксчи устидан ғалаба қозонди. 58 ёшли Тайсон жанг давомида кўпроқ ҳимояланди ва фаол зарбаларни амалга оширмади.
Шундай қилиб Тайсон фаолиятидаги 7-мағлубиятини қабул қилиб олди. Жейк Пол эса ўзининг 11-ғалабасини қўлга киритди.
Шу йилнинг июль ойида 27 ёшли Жейк Пол собиқ UFC жангчиси Майк Перрини олтинчи раундда нокаутга учратиб, профессионал рингдаги ўнинчи ғалабасини қўлга киритган эди.
58 ёшли Майк Тайсон ўн беш йиллик танаффусдан сўнг 2020 йилнинг ноябрь ойида 54 ёшли кичик Рой Жонсга қарши кўргазмали бокс жангини ўтказиб, дуранг қайд этганди.
«Ўзингизни босинг, дўстим»: Хабиб Нурмагомедов «Манчестер Юнайтед» афсонасини огоҳлантирди
«Реал»да Рамоснинг қайтишига кимлар қарши чиққани маълум бўлди
Майк Тайсон жанг олдидан рақибига тарсаки туширди
