Яманнинг "Ансор Аллоҳ" ҳаракатининг ҳутий исёнчилари Исроил ҳудудига ракета ҳужуми уюштирди ва Тель-Авивдаги "Бен Гурион" аэропортига ҳужум қилди.
Бу ҳақда ҳутийларга тегишли Al Masirah телеканали эфирида исёнчилар томонидан тузилган қуролли кучлар вакили Яҳё Сария маълум қилган.
"Яман қуролли кучларининг ракета кучлари ҳарбий операция ўтказиб, босиб олинган Яффа минтақасидаги (Тель-Авив) "Бен Гурион" аэропортига "Паластин-2" гипертовушли баллистик ракетасидан фойдаланган ҳолда ҳужум уюштирди. Операция ўз мақсадига муваффақиятли эришди", - деди "Ансор Аллоҳ" вакили.
Унга кўра, ҳужум натижасида аэропорт фаолияти тўхтатилган. Сария шунингдек, яманлик исёнчилар Исроилнинг Ашкелон, Тель-Авив ва Эйлат шаҳарларидаги “нозик жойларга” учта учувчисиз учоқ ёрдамида ҳужум қилгани ҳақида хабар берди.
Аввалроқ Исроил армияси Ямандан учирилган ракетани тутиб олгани ҳақида хабар берган эди. Мамлакатнинг бир қанча ҳудудларида ҳаво ҳужуми сиреналари янграб, аҳолини ракета хавфидан огоҳлантирди.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
