Яманнинг “Ансор Аллаҳ” (ҳусийлар) исёнчилар ҳаракати учта кемага, жумладан Исроил ва АҚШ билан алоқадор деб ҳисоблаган кемаларга ҳужум қилди.
Бу ҳақда ҳаракатнинг ҳарбий вакили Яҳё Сария ҳусийларга тегишли Al Masirah телеканали эфирида айтди.
Унинг сўзларига кўра, ҳарбий-денгиз кучлари ва ҳаракатнинг ракета кучлари қўшма операция давомида “Араб денгизидаги Американинг Maersk Sentosa кемасига” ҳужум қилган. Ҳарбий сўзловчининг таъкидлашича, "зарба тўғридан-тўғри ва аниқ бўлган".