"Ҳизбуллоҳ" қаршилик кучларининг АҚШ, Исроил ва бир қатор араб давлатларининг талабига қурол топшириши Ливан суверенитетини мустаҳкамламайди ва ишғолни тугатмайди.
Бу ҳақда ҳаракат бош котиби Шайх Наим Қосим ўз тарафдорларига телемурожаатида маълум қилди.
"Агар қуролларимизни топширсак, Исроил ҳужумлари тўхтамайди, шунинг учун биз ҳеч қачон ишғол соясида қуролсизланиш жадвалига рози бўлмаймиз. Исроил биринчи навбатда 2024 йил 27 ноябрдаги сулҳ битимини амалга оширсин", - деди у.
У "Ҳизбуллоҳ" арсеналининг 50 фоизини Ливан армиясига топшириш эвазига Ливан жанубидаги ўз назорати остидаги учта ҳудуддан Исроил қўшинларини олиб чиқиб кетишни назарда тутувчи Америка режасини номақбул деб атади.
Баёнот Ливан вазирлар маҳкамасида қуролларни фақат Ливан армияси қўлида тўплаш мақсадида ноҳукумат гуруҳларни қуролсизлантириш режаси муҳокама қилинаётган пайтда янгради. Ливан 24 телеканали хабарига кўра, АҚШнинг Яқин Шарқ бўйича махсус вакили Том Барак Ливан ҳукуматига режанинг биринчи босқичини амалга ошириш учун 30 кун муҳлат берган.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
