Times of India газетаси хабар беришича, Калькутта шаҳрида жойлашган, тахминан 85 минг томошабинга мўлжалланган Salt Lake Stadium аренасида мухлислар вазиятни назоратдан чиқариб юборган.
Бу Мессининг MLSдаги ғалабасидан сўнг Ҳиндистон бўйлаб уюштирилган турнесидаги биринчи манзил эди. Футболчи келмасидан олдинёқ мамлакатда унга бағишлаб 21 метрлик ҳайкал ўрнатилган, аммо турнинг бошланиши режадагидек ўтмаган.
Ҳинд ОАВларига кўра, хавфсизликка таҳдид пайдо бўлгани сабабли Мессининг трибуналарни айланиб чиқиши тўхтатилган. Майдон томон шишалар улоқтирила бошлаганидан сўнг, футболчи қўриқчилар ёрдамида зудлик билан олиб чиқиб кетилган. Шундан кейин вазият кескинлашиб кетган.
Ижтимоий тармоқларда тарқалган видеоларда томошабинлар ўриндиқларни суғуриб олаётгани, газонга чиқиб кетгани, баннерларни йиртиб, реклама конструкцияларини синдиргани акс этган.
«Месси атрофида фақат сиёсатчилар ва актёрлар бор эди. Унда нега умуман бизни таклиф қилишди? Биз 12 минг рупий (100 евродан ортиқ) тўладик, ҳатто унинг юзини ҳам кўрмадик», — деган мухлислардан бири Times of India нашрига.
Гувоҳларнинг айтишича, расмий шахслар ва сиёсатчиларнинг футболчига оддий мухлисларга қараганда яқинроқ бўлиши ҳам норозиликни кучайтирган. Трибуналарнинг ҳаддан ташқари тўлиб кетгани ва жиддий хавфсизлик муаммолари сабабли Лионел Месси стадионни режалаштирилганидан олдин тарк этган ва мухлисларнинг аксарияти билан мулоқот қила олмаган.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
