Ҳиндистон Украина уруши бўйича ўзининг сулҳ режасини таклиф қилди

Бу ҳақда Hindustan Times хабар бермоқда.

Ҳиндистон Киевга энергетика ва инфратузилмага ҳужумлардан тийилишни, Қора денгиз портлари орқали узлуксиз дон ва энергия таъминотини таъминлашни ва тижорат кемаларига ҳужумларни тўхтатишни ўз ичига олган сулҳ режасини таклиф қилди.

Нашрнинг хабар беришича, таклифлар ўтган ойда Ҳиндистон ташқи ишлар вазири Субраҳманям Жаишанкарнинг Киевга ташрифи чоғида Украина раҳбариятига етказилган. Режада шунингдек, Ҳиндистоннинг Россия энергия таъминотини сақлаб қолишдаги манфаатлари ҳам ҳисобга олинган.