39 ёшли футболчи Бенинга қарши хайрлашув баҳсида пеналтидан гол уриб, иккита голли узатма берди. Шу тариқа, унинг Аргентина терма жамоасидаги ҳисобида 208 та ўйин ва 126 та гол қайд этилди. Аргентина 3:0 ҳисобида ғалаба қозонди.
Ўртоқлик учрашуви 6 октябр куни кечқурун Аргентина пойтахти Буэнос-Айресдаги “Монументал” стадионида бўлиб ўтди. Ўйиннинг 10-дақиқасида у бир дақиқага тўхтатилди. Месси терма жамоада 10-рақам остида ўйнагани учун айнан шу вақт танланган. Стадиондаги мухлислар ўз сардорини олқишлади, Бенин футболчилари эса унинг ёнига келиб, қўл бериб кўришди.
Месси миллий жамоада 2005 йилда, 18 ёшида дебют қилган эди. Йигирма йилдан ортиқ давом этган фаолияти давомида у Аргентина билан жаҳон чемпиони, икки карра Америка кубоги ғолиби ва Олимпиада чемпиони бўлди. Унинг терма жамоадаги энг катта ютуғи 2022 йил Қатарда ўтказилган жаҳон чемпионатидаги ғалаба ҳисобланади.
Футболчининг клублардаги фаолияти ҳам кўплаб совринларга бой. У “Барселона” билан ўн марта Испания чемпиони, тўрт марта Европа Чемпионлар лигаси ғолиби бўлган. Шунингдек, етти марта Испания кубоги ва саккиз марта мамлакат Суперкубогини қўлга киритган. Месси саккиз карра “Олтин тўп” соҳиби бўлган.
Месси 2021 йилда “Барселона” дан “Пари Сен-Жермен”га ўтди ва Франция клуби билан икки марта чемпион бўлди. 2023 йилдан буён эса АҚШнинг “Интер Майами” жамоасида тўп сурмоқда.
Аэропортда янги туғилган чақалоқ ва унинг онаси вафот этди
Роналду ёки Жезуш? Португалияликлар танловини қилди
13 ёшли қиз эгизак фарзандли бўлди
