АҚШ ҳукумати Ҳиндистонни 487 нафар эҳтимолий ҳиндистонлик фуқаро ҳақида огоҳлантирди, уларга нисбатан депортация қарори қабул қилинган. Бу ҳақда Ҳиндистон Ташқи ишлар вазирлиги хабар берди.
«Бизга 487 нафар ҳиндистонлик фуқарога нисбатан депортация қарори қабул қилингани ҳақида маълум қилинди» – деди Ҳиндистон Ташқи ишлар вазири ўринбосари Викрам Мисри.
5 февраль куни Тҳе Неw Ёрк Тимес нашри АҚШ Мудофаа вазирлигига таяниб, Ҳиндистоннинг Амритсар шаҳрига АҚШ ҳарбий самолёти етиб келгани ҳақида хабар берди. Самолёт бортида ноқонуний ҳиндистонлик муҳожирлар бўлиб, улар АҚШ президенти Доналд Трампнинг ноқонуний муҳожирларни чиқариб юбориш бўйича кампанияси доирасида депортация қилинган.
Доналд Трамп президентликка келганидан сўнг, аввалдан ваъда қилган «муҳожирларни депортация қилиш операцияси»ни амалга ошира бошлади. 21 январь куни АҚШ Иммиграция ва божхона хизмати ноқонуний муҳожирларни қўлга олиш ишларини бошлади. Биринчи депортация тўлқинига Ҳиндистондан бўлган муҳожирлар ҳам кирди. ОАВ маълумотларига кўра, 5 февраль куни Амритсар шаҳрига келган АҚШ ҳарбий самолёти бортида 100 дан 205 нафаргача одам бўлиши мумкин.
Қодировнинг аҳволи жуда оғир: у ворис қидирмоқда
Франция Россия Ғалаба байрамига таклиф қилинмаганидан ғазабланди
Ортиқхўжаев янги лавозимда иш бошлагани айтилмоқда
