Ҳиндистон Telegram'дан филмлар ва стримингларни ноқонуний тарқатаётган каналларни ёпишни талаб қилди

Ҳиндистон Ахборот ва телерадиоешиттириш вазирлиги Telegram мессенжеридан муаллифлик ҳуқуқи билан ҳимояланган филмлар, сериаллар ва стриминг платформалари контентининг ноқонуний тарқатилишига қарши зудлик билан чора кўришни талаб қилди. Бу ҳақда АNI агентлиги манбаларига таяниб хабар берди.

Агентлик манбаларига кўра, вазирлик Telegram'га расмий кўрсатма юбориб, қароқчи филмлар ва онлайн-кинотеатрлар контенти тарқатилаётган канал ҳамда гуруҳларни зудлик билан блоклааҳни талаб қилган. Шунингдек, компаниядан амалга оширилган ишлар юзасидан 15 кун ичида батафсил ҳисобот тақдим этиш сўралган.

Нью-Деҳли Telegram фақат алоҳида шикоятлардан кейин эмас, балки муаллифлик ҳуқуқини бузувчи контентни тизимли равишда аниқлаш, блоклаш ва унинг қайта тарқалишининг олдини олиш бўйича самарали механизмларни жорий этишини кутаётганини таъкидлаган.