Владимир Путин Россия ҳудудларида дронларга қарши ҳимоя бўлинмаларига «Д» тоифасидаги яроқлилик даражасига эга кўнгиллиларни жалб қилиш таклифини қўллаб-қувватлади. Бу тоифага ҳарбий хизматга тўлиқ яроқсиз деб топилган, жумладан, оғир касалликлари ёки ногиронлиги бўлган шахслар киради.
Гап бундай кўнгиллиларни фронтга юбориш ҳақида эмас, балки Россия ортидаги ҳудудлардаги минтақавий ҳаво мудофаасида улардан фойдаланиш эҳтимоли ҳақида кетмоқда. Россия ҳудудлари Украина томонидан учирилаётган узоқ масофали дронлар зарбаларига мунтазам дуч келмоқда. Ҳозирда «Д» тоифасига кирувчи фуқаролар ҳарбий хизматдан озод қилинган ва ҳатто кўнгилли сифатида ҳам армияга қабул қилинмайди.
«Д» тоифасига, хусусан, кўзи ожиз ва кар-соқовлар, шунингдек, оғир ва даволаб бўлмайдиган жисмоний ёки руҳий касалликларга эга фуқаролар кириши мумкин.
Бу таклиф Россияда шахсий таркиб етишмаслиги ва Давлат думаси сайловларидан кейин янги сафарбарлик эълон қилиниши эҳтимоли ҳақидаги муҳокамалар фонида янгради. Бироқ Россия ҳукумати бундай режалар мавжудлигини расман рад этмоқда.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
