Ҳафта давомида Ўзбекистоннинг айрим ҳудудларида ёмғир ёғиши кутилмоқда

Иш ҳафтаси давомида Ўзбекистон ҳудуди бўйича асосан қуруқ об-ҳаво бўлиши кутилмоқда.

“Ўзгидромет” прогнозларига кўра, ҳаво ҳарорати кечалари 15-20 даража, кундуз кунлари 28-33 даража атрофида, жанубда 35-38 даражагача бўлади.

8—10 сентябрь кунлари Тошкент ва Фарғона вилоятларининг айрим тоғли ҳудудларда қисқа муддатли ёмғир ёғиши мумкин. 12-сентябрь, жума куни Қорақалпоғистон Республикаси ва Хоразм вилоятида баъзи жойларда қисқа муддатли ёмғир ёғиши кутилмоқда.

Шамол 7-12 метр/секунд тезликда эсади, баъзи жойларда 13-18 метр/секундгача кучайиши, чанг-тўзон билан кузатилиши мумкин.

Тошкентда 8 сентябрь куни кундузи ҳаво бир оз булутли бўлади, қисқа муддатли ёмғир ёғиши мумкин. Ҳарорат асосан кечаси 18-20 даража, кундузи 30-32 даража бўлади.