Гвардиола «Манчестер Сити»да яна бир йилга қоладиган бўлди

Пеп Гвардиола «Манчестер Сити» клуби билан тез орада «1+1» кўринишидаги янги шартномани имзолайди.

Инсайдер Фабрицио Романо хабарига кўра, Манчестер клуби Пеп Гвардиола билан янги шартномани имзолаш бўйича келишувга эришган. Испаниялик мураббий жорий мавсум якунига етгач, яна бир мавсум жамоада қолишга қарор қилган. Бу ҳақда тез орада расман эълон қилиниши кутилмоқда.

Гвардиоланинг амалдаги келишуви 2025 йилнинг 30 июнига қадар имзоланганди. У «Манчестер Сити»ни 2016 йилдан буён бошқариб келмоқда. Жамоа унинг қўл остида 18та совринга эга чиққан.