Чатҳам Ҳоусенинг Россия ва Евроосиё дастури бўйича ёрдамчиси Тимоти Эшнинг айтишича, Киев узоқ масофага учувчи ракеталардан Россиянинг ҳужум қобилиятини йўқотиш учун фойдаланиши керак.
«Афтидан, Россия Трамп президентлиги ва эҳтимолий музокаралар олдидан кейинги бир неча ой ичида кескинлашади. Демак, Украина Россиянинг ҳужум қобилиятини пасайтириш учун узоқ масофадан зарба бера олиши керак», деди у.
Путин Трампни ғалабаси билан табриклаб, АҚШнинг янги сайланган президентини «жасоратли» дея олқишлади ва Трамп билан музокаралар ўтказишга тайёрлигини қўшимча қилди. Шунга қарамай, Россия Украинага ҳужумларини давом эттирди.
«Россия барибир сўнгги ҳафталарда кескин ҳаракат қилмоқда, афтидан Трампнинг Путинга вазиятни кескинлаштирмаслик ҳақидаги илтимосига эътибор бермаганга ўхшайди», — дея қўшимча қилди Эш.
Бироқ Кремль Трампнинг Путин билан гаплашгани ҳақидаги хабарларни инкор этди.
Душанба куни Россия энергетика инфратузилмасини нишонга олган ҳолда Украинага бир неча ой ичида энг йирик ракета ва дрон зарбаларини берди. Украина расмийларига кўра, ҳужум оқибатида камида 11 киши ҳалок бўлган.
Украинага узоқ масофага учувчи «Сторм Шадоw» ракеталарини ҳам тақдим этган Буюк Британия ва Франция Киевга Россия ҳудуди ичида зарба беришга рухсат бериши мумкин. SCALP деб ҳам аталадиган «Storm Shadow» ракеталари 250 км (155 миля) узоқликдаги нишонларга зарба бера олади.
Франциянинг Ле Монде газетаси мамлакат ташқи ишлар вазиридан иқтибос келтирган ҳолда хабар қилишича, Париж Украинага Россия ҳудудига зарба бериш учун узоқ масофали ракеталаридан фойдаланишга рухсат беришга тайёр.
Дунёнинг табиий захирлари қиймати бўйича энг бой 10 мамлакати
Мудофаа вазирлиги мурожаат билан чиқди
Филипп Киркоров қидирувга берилди
