АҚШнинг рухсатига Украина ва Россия қандай муносабатда бўлди?

Зеленский якшанба куни кечки мурожаатида шундай деди: «Бугун кўпчилик оммавий ахборот воситаларида биз тегишли чоралар кўриш учун рухсат олганимизни айтишмоқда».

У яна қўшимча қилди: “Ушбу зарбалар сўз билан амалга оширилмайди. Бундай нарсалар эълон қилинмайди. Ракеталарнинг ўзи гапиради«

Москва ракета қарори кескинликнинг ошишига олиб келишини айтди.

»Агар шундай қарор чиндан ҳам шакллантирилган ва Киев режимига етказилган бўлса, бу вазият АҚШнинг ушбу можарога аралашуви нуқтаи назаридан сифат жиҳатидан янги босқич ва мутлақо янги ҳолатни келтириб чиқаради,« дея таъкидлади Песков.

"Вашингтондаги лавозимидан кетаётган маъмурият оловга ёғ сепиш ва бу можаро атрофида кескинликни қўзғатишда давом этиш учун чоралар кўриш ниятида эканлиги аниқ", деди у.

Россиялик қонунчи Мария Бутина Реутерс ахборот агентлигига бу дунё можароси бошланишини хавф остига қўйишини айтди. »Агар бу қарор қабул қилинган бўлса, Трамп бу қарорни енгиб ўтишига умид қиламан, чунки улар учинчи жаҳон уруши бошланишини жиддий хавф остига қўйишмоқда, бу ҳеч кимнинг манфаатига мос келмайди".

Путин икки ой аввал Ғарбни Россия ҳудудида узоқ масофали ракеталардан фойдаланишга рухсат беришдан огоҳлантирган эди.

«Агар шундай бўлса, бу можаронинг моҳиятидаги ўзгаришларни ҳисобга олиб, биз учун яратиладиган таҳдидлардан келиб чиқиб, тегишли қарорлар қабул қиламиз», деди Путин ўша пайтда Россия давлат телевидениесига берган интервьюсида.