Гвардиола: "Абдуқодир у ерда ўйнай оладими, билмайман"

"Манчестер Сити" бош мураббийи Хосеп Гвардиола сафдан чиққан Мануэль Аканжининг ўрнини ким эгаллаши мумкинлигини айтди.

"Шаҳарликлар" швейцариялик футболчини Чемпионлар Лигасининг сўнгги турида "Реал"га қарши ўйинда олган жароҳати туфайли узоқ вақтга йўқотди.

"Менда Рико Льюис, Матеус Нуньес вариантлари бор. Абдуқодир Ҳусанов у ерда ўйнаб, бизга ёрдам бера оладими, билмайман. Бу бизнинг қандай ҳаракат қилишимиз, қандай ҳужум қилишимиз ва ҳимояланишимизга боғлиқ бўлади. Кўрамиз," - дея испаниялик мураббийнинг жавобини келтиради City Xtra.