Гулруҳбегим Тохиржонова президент Шавкат Мирзиёев билан учрашди

Халқаро спорт устаси (IM) Гулруҳбегим Тохиржонова Ўзбекистон Республикаси президенти Шавкат Мирзиёевнинг кеча ёшлар билан ўтказган учрашувида иштирок этди.

Бу ҳақда Тохиржонова ўзининг Instagram тармоғидаги саҳифасида маълум қилди:

"Бугун мен Ўзбекистон Президенти билан учрашиш бахтига муяссар бўлдим. Эътибор ва қўллаб-қувватлаганлари учун катта раҳмат!", деб ёзган Гулруҳбегим.

Аввалроқ, шахматчининг АҚШ федерациясидан Ўзбекистонга қайтишга қарор қилгани ҳақида хабар берган эдик.