Грузия ва Озарбойжон чегарасида ҳалокатга учраган Туркия ҳарбий самолёти уриб туширилган бўлиши мумкин

Бу ҳақда Туркия ҳукуматига яқин Hürriyet газетаси шарҳловчиси Абдулқодир Селви ёзмоқда.

"Самолётнинг техник сабабларга кўра қулагани эҳтимоли ҳам, уриб туширилгани версияси ҳам тергов қилинмоқда. Кавказ — ўзига хос хавфли минтақа, шу сабабли ҳар бир версия синчиклаб ўрганилмоқда", — дея қайд этди Селви.

Туркия Мудофаа вазирлигининг маълум қилишича, Грузияда ҳалокатга учраган Туркия ҳарбий-ҳаво кучларига тегишли C-130 самолёти бортидаги барча 20 нафар ҳарбий қурбон бўлган.