Буюк Британия қироли Карл III давлат раҳбари бўлган Гренада Миллатлар Ҳамдўстлиги давлати Британия монархига содиқлик қасамёдидан расман воз кечди.
Бу ҳақда Daily Mail газетаси хабар бермоқда.
"Гренада қирол Карл III га содиқлик қасамёдидан воз кечди, чунки Ҳамдўстлик мамлакатлари Британия монархини ўз суверенлиги мақомидан маҳрум қилиш масаласини кўриб чиқишда давом этмоқда”, — дейилади нашр.
Қайд этилишича, келажакда Гренада расмийлари Британия монархига эмас, балки Гренаданинг ўзига содиқлик қасамёд қилади. Нашрнинг ёзишича, мамлакат қонунчилигига киритилган тегишли тузатишлар ўтган жума куни кучга кирди.
Газетанинг таъкидлашича, Буюк Британия қироличаси Елизавета II вафотидан сўнг Британия монархини давлат раҳбари мақомидан маҳрум қилиш ҳақидаги чақириқлар Ҳамдўстликнинг қатор мамлакатларида тобора кўпроқ эшитилмоқда.
Бола ўғрилари ушланди
"Биздан Арманистон жанубини тортиб олишяпти, лекин буни ҳеч ким гапирмаяпти"
Ҳиндистон АҚШ ва ЕИнинг Россия нефть импортига қарши ҳужумларига жавоб қайтарди
