Google сунъий интеллект яратган контентни аниқловчи хизматни ишга туширди

Google сунъий интеллект яратган контентни аниқловчи сервисни ишга туширди. Бу ҳақда компания расмий блогида маълум қилинган.

Гап SynthID Detector ҳақида кетмоқда. Гоогле 2026 йил 7-октабрда сервисни кенг омма учун очган.

SynthID Detector — SI ёрдамида яратилган ёки таҳрирланган расм, видео ва аудио файлларни текширувчи сервис. Фойдаланувчи файлни юклайди, тизим эса унда SynthID деб аталадиган кўринмас рақамли сув белгиси (wатермарк) мавжудлигини текширади.

SynthID wатермарки инсон кўзи ёки қулоғига сезилмайди, аммо махсус технология орқали аниқланиши мумкин. Google бу технологияни 2023 йилда тақдим этган.

Янги сервис нафақат Google АИ маҳсулотларини, балки СйнтҳИДъни қўллаб-қувватлайдиган ҳамкорлар контентини ҳам текшира олади. Ҳозир улар орасида:

• Google;

• OpenAI;

• НВИДИА;

• Какао бор.

Қайд этилишича, Apple қўллаб-қувватлаши ҳам кейинчалик қўшилиши кутилмоқда.

Google маълумотига кўра, SynthID ҳозиргача 180 млрд дан ортиқ расм ва видеога, шунингдек 240 минг йиллик аудио контентга қўлланган.

Бу универсал АИ-детектор эмас. Яъни сервис исталган AI томонидан яратилган контентни аниқлай олмайди. У фақат SynthID wатермаркидан фойдаланадиган тизимлар яратган ёки таҳрирлаган контентни аниқлаши мумкин. Агар сув белгиси топилмаса, бу контент албатта инсон томонидан яратилган дегани эмас.

Сервис ҳозирча инглиз тилида глобал фойдаланувчилар учун очилган ва ундан фойдаланиш учун Google ёки бошқа қўллаб-қувватланадиган аккаунт орқали кириш талаб қилинади.

Таъкидланишича, кунлик текширувлар сони ҳам чекланган — тахминан 10 та расм, видео ёки аудио текшируви.