Гэтжи: “Илия Топурияни мағлуб этиб, Оқ уйда Холлоуэйга қарши жанг қилмоқчиман”

UFC жангчиси Жастин Гэтжи ўзининг келажаги учун идеал сценарий қандай бўлишини айтиб берди.

"Мен учун энг яхши сценарий, китобимдаги энг яхши бўлим шундай бўларди: бу йил мен Илия Топурияни мағлуб этаман, кейин Макс Холлоуэйга қарши Оқ уйда титулни ҳимоя қиламан ва UFC’нинг чемпиони ва BMF камари эгаси сифатида нафақага чиқаман. Бундан яхшироқ сценарийни ўйлаб топа олмайман. Агар буларнинг барчаси ростдан ҳам юз берса, мен қандайдир симулятор ўйин ичида яшаяпман деб ишонаман", — деди Гэтжи.