Kununu иш берувчилар рейтинги портали таҳлилига кўра, 2024-йилда Германияда ўртача иш ҳақи 50 239 еврони (солиқлар ва ажратмаларгача) ташкил этган, бу ўтган йилга нисбатан 2,1 фоизга кўпдир.
Бироқ, ишчиларнинг атиги 38,78 фоизи бундай даромадга эга, яъни иш билан банд бўлган 46,1 миллион кишидан тахминан 17,89 миллион киши, дейди Кунуну вакили Дарио Уилдинг.
Маошлар минтақага қараб сезиларли даражада фарқланади. Энг кўп маош олувчилар Гессен (54 322 евро), Гамбург (52 898 евро) ва Бавария (52 680 евро)да. Энг кам маош оладиган ишчилар Саксония ва Мекленбург-Ворпоммерн каби шарқий штатларда қолмоқда, уларнинг ўртача даромади 43 000 евродан кам.
Йирик шаҳарлар орасида Мюнхен 58 540 евро даромад билан етакчилик қилмоқда, Лейпциг (44 359 евро) ва Рур вилояти шаҳарлари (Дуйсбург ва Боҳум) аутсайдер бўлиб қолмоқда.
Даромаднинг ўсишига қарамай, ходимларнинг иш ҳақидан қониқиш даражаси 57,98% дан 57,23% гача камайди. Бунга сабаб нархларнинг кўтарилиши бўлиб, Kununu'га кўра, бу ишчиларнинг 67 фоизининг норозилигига сабаб бўлмоқда.
Саудия Арабистони хазина топди, нефть конларида «оқ олтин» аниқланди
Сурияликлар пул тўла қоплар билан банкларга бостириб киришмоқда
Россия олти давлат элчихоналарига ҳужум қилди
