Германия шарқида ўқув парвози чоғида ҳарбий вертолёт қулаши оқибатида камида икки киши ҳалок бўлди.
Бу ҳақда Германия мудофаа вазири Борис Писториусга таяниб, DPA агентлиги хабар берди.
Унга кўра, бир киши бедарак йўқолган. Гап Бундесвер (Германия Қуролли Кучлари) томонидан бошқариладиган вертолёт ҳақида кетмоқда.
Ҳодиса Саксония федерал штатининг Гримма шаҳри яқинида юз берди. Гувоҳларнинг сўзларига кўра, вертолёт қолдиқлари Мульде дарёсидан топилган. Ҳалокат содир бўлган жойда ҳарбий хавфсизлик зонаси яратилди. Бундесвер ходимлари воқеа жойида қутқарув ва тергов ишларини олиб боришди.
Ўт ўчириш хизмати вакилининг сўзларига кўра, ҳалокат натижасида катта миқдорда керосин ажралиб чиққан, вертолёт қолдиқлари дарё ўртасида ва унга кириш қийин. Воқеа жойида 50 га яқин фавқулодда қутқарув ходимлари ишламоқда.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
Тошкентдаги жанжал юзасидан расмий баёнот берилди
