9 сентябрь куни Берлиндаги иккита магистрал электр тармоғида ёнғин содир бўлган ва 50 минг хонадон электр таъминотисиз қолган.
Бу ҳақда Der Spiegel журнали хабар берди.
Стромнетз Берлин тармоқ оператори маълумотларига кўра, электр таъминоти билан боғлиқ муаммолар 9 сентябрдан бошлаб юзага келган. Тахминларга кўра, юқори кучланишли симларга ўт қўйишни сўл радикал ташкилотлар аъзолари амалга оширган.
"Берлиннинг жануби-шарқидаги юқори кучланишли кабелларда юз берган ёнғиндан сўнг ўн минглаб уй хўжаликлари ва кўплаб компаниялар ҳамон электр энергиясиз қолмоқда. Айниқса, Трептов-Кепеник тумани кўпроқ зарар кўрди," - дея таъкидланади нашрда.
Стромнетз Берлин раҳбарияти 11 сентябргача электр узатиш линиясининг ишини тиклашга умид билдирмоқда. Стромнетз Берлин бошқарувчи директори Эрик Ландекнинг айтишича, мутахассислар катта ҳажмдаги ишларни бажаришлари керак бўлади.
Ҳозирда энергетиклар электр таъминотини босқичма-босқич тиклашмоқда.
Николай Валуевга нисбатан қидирув эълон қилинди
Собиқ қишлоқ хўжалиги вазири Азиз Воитов ва яна 61 кишига ҳукм ўқилди
Доҳада оммавий норозилик бошланди
