Германиянинг янги ташқи ишлар вазири Йоханн Вадефуль лавозимига тайинланганидан сўнг биринчи расмий ташрифини Украинага амалга оширди. Визит чоғида у Россиянинг тунги дрон ва ракета ҳужумларини кескин қоралаб чиқди: бир кеча-кундузда 477 та дрон-камикадзе, 60 та қанотли ва баллистик ракета учирилгани айтилди.
«Путин Украинанинг ўз тақдирини мустақил белгилашига куч билан тўсқинлик қилмоқчи. Унинг уруши Украинага бўйсундиришни мақсад қилган», — деди Вадефуль журналистларга.
Министр Киевдаги Россия дронлари уриб туширган тураржой биноларидан бирини шахсан кўздан кечирди.
«Путин украиналикларни шафқатсиз террорчи бомбардимонлар билан нишонга олмоқда. Инсонлар ҳар куни, ҳар тун уйларида ҳалок бўлмоқда», — дея қўшимча қилди у.
Вадефуль Германия ташқи сиёсатида Украинага ёрдам беришни энг муҳим вазифа деб атади ва қора-қизил коалиция (ХДС/СДПГ) ушбу йўлдан чекинмаслигини таъкидлади.
«Айни пайтда Украинада Европа хавфсизлиги ҳал бўлмоқда — давлат чегараларини зўравонлик билан ўзгартириш мумкинми ёки йўқми. Шу сабабли, Украина озодлиги ва келажаги — ташқи ва мудофаа сиёсатимизнинг энг устувор масаласидир», — деди Вадефуль.
Унинг сўзларига кўра, Германия барча саъй-ҳаракатларини Украинага қўллаб-қувватлашга қаратган ва бу позиция узоқ муддат давом эттирилади.
Элдор Шомуродов янги жамоасининг таклифини қабул қилди
Германия канцлери: Исроилнинг “ифлос иши” ҳақидаги фикримдан афсусланмайман
Саудияликлар Мессига даҳшатли шартнома таклиф қилишди
