Германия Украина учун ҳужумчи дронларни ишлаб чиқаришни молиялаштиради

Германия Украинага 2000 км дан ортиқ масофага учувчи Ан-196 типидаги ҳужумчи дронларини яратиш учун 100 миллион евродан ортиқ маблағ ажратади.

Бу ҳақда Der Spiegel нашри хабар бермоқда.

Нашр манбаларига кўра, Германия ҳукумати Украина жанговар учувчисиз учоқларини ишлаб чиқаришни “уч рақамли миллион сўм” билан молиялаштиради. Хусусан, бу Ан-196 ҳужумчи учувчисиз самолётларини яратишни молиялаштиришга тегишли.

Бу чуқур зарба берувчи дронлар жанговар каллак билан жиҳозланган ва 2000 км масофани босиб ўта олади. Қайд этилишича, немис томони ажратган маблағ эвазига Украина бир неча юзта жанговар учувчисиз учоқларни ишлаб чиқариши мумкин.

"Европа Иттифоқи аллақачон Украинани мудофаа саноатига интеграциялаш ва Россия билан уруш тажрибасидан фойдаланишга ҳаракат қилмоқда. Бу, хусусан, дрон ишлаб чиқариш саноатига тааллуқлидир. Агар яна бир неча давлат Украина мудофаа саноатига кўпроқ маблағ кирица, Украина бундай ёрдамдан сезиларли фойда кўради", - дея таъкидлайди нашр манбалари.