Германия ташқи ишлар вазири Йоханн Вадефуль Франция президенти Эммануэль Макроннинг Хитой товарларига мумкин бўлган савдо тарифлари ҳақидаги эълонига шубҳа билан қаради ва "пинг-понг эффекти" ҳақида огоҳлантирди.
Бу ҳақда Германия ташқи ишлар вазири Пекинга ташрифи чоғида ўз позициясини аниқ билдирган.
"Германия протекционизмни тубдан рад этади. Лекин Хитой томони бу соҳада нимадир қилиш кераклигини тушуниши керак", - деди у.
Вадефуль юқори тарифларни фақат "охирги чора" деб ҳисоблаш кераклигини қўшимча қилди ва уларнинг самарадорлигига шубҳа билдирди.
"Чунки сиз бундай циклга тушиб қолсангиз, одатда стол тенниси эффекти ёки спираль реакцияси юзага келади, бу фақат эркин савдога зарар келтиради", деди вазир.
7 декабрь куни Les Echos нашрига берган интервьюсида Макрон, агар Пекин ЕИ ва Хитой ўртасидаги савдо тақчиллигини бартараф эта олмаса, Европа Иттифоқи Хитой товарларига божлар жорий этиш масаласини кўриб чиқиши мумкинлигини айтди. Франция президентининг сўзларига кўра, у аллақачон Еврокомиссия раҳбари Урсула фон дер Ляйен билан бундай тарифлар киритиш имкониятини муҳокама қилган. Шу билан бирга, Макрон бу масала бўйича ягона Европа жабҳасини шакллантириш қийин бўлишини таъкидлади.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Орбан: "Европа Россия билан урушга тайёрланмоқда"
