Германия президенти Франк-Валтер Штайнмайер Осиё бўйлаб сафари доирасида Ўзбекистонга ташриф буюради.
Хабар қилинишича, у 5 кунлик сафари давомида Индонезия, Филиппин ва Ўзбекистонда бўлиши режалаштирилган. Штайнмайерга турмуш ўртоғи ҳамда бизнес делегацияси ҳамроҳлик қилади.
Франк-Валтер Штайнмайер Тошкентда Германиянинг GP Günter Papenburg қурилиш компанияси филиалини кўздан кечиради.
Ташриф доирасида Штайнмайер Ислом цивилизацияси марказини кўздан кечиради, меҳнат миграцияси ва мутахассислар тайёрлашга бағишланган тадбирда ҳам иштирок этади.
Германия президенти маъмурияти маълумотига кўра, Ўзбекистонда Осиёдаги бошқа ҳар қандай мамлакатга қараганда кўпроқ одам немис тилини ўрганмоқда.
Ўзбекистон — Колумбия ўйини учун чипталар сотуви рекорд даражага чиқди
АҚШда ҳам тўй қилаётганлар ақлдан озмоқда
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
