Германия Литвада доимий ҳарбий бригадасини жойлаштирди – DPA

Литвадаги беш минг немис аскаридан иборат танк бригадаси 2027 йил охиригача тўлиқ жанговар тайёргарликка эга бўлиши кутилмоқда, деб ёзади агентлик.

"Бизнинг аниқ вазифамиз бор. Бу ерда, NATO’нинг шарқий қанотида биз Литванинг ҳимояси, эркинлиги ва хавфсизлигини таъминлашимиз керак", – деди Бунесвернинг Литвадаги 45-танк бригадаси қўмондони генерал Кристоф Хубер. Унинг таъкидлашича, бўлинманинг жойлаштирилиши NATO ҳудудини ҳам, Германиянинг ўзини ҳам ҳимоя қилишни таъминлайди.

Бу Иккинчи жаҳон урушидан бери биринчи марта немис ҳарбийларининг хорижда доимий жойлашувидир, деб ёзмоқда Politico нашри.