Ҳиндистонда «бир неча юз минг» артиллерия снарядлари бор ва Германия у билан Украина эҳтиёжлари учун уларни воситачилар орқали сотиб олишни муҳокама қилмоқда. Бу ҳақда манбаларга таяниб, Der Spiegel нашри хабар берди. Музокаралар яширин олиб борилмоқда, чунки Ҳиндистон расмийлари Москва билан муносабатларни бузмоқчи эмас.
Нашрнинг ёзишича, худди шундай битимлар араб ва Болқон давлатлари билан ҳам тузилиши мумкин, уларнинг баъзиларида ҳам снарядларнинг катта захиралари мавжуд.
Бу йил Германия ҳукумати Украинани қуроллантириш учун 7 миллиард евро ажратади.