Эрон Қуролли кучлари Бош штаби бошлиғи генерал-майор Али Абдуллоҳий Эрон асимметрик уруш тактикаси орқали АҚШ ва Исроилга қарши самарали қаршилик кўрсатаётганини таъкидлади.
Tasnim News хабар беришича, генерал Абдуллоҳий якшанба куни ўтказилган тадбирда сўзга чиқиб, душман ҳозирда Эронга қарши «кенг қамровли гибрид, юмшоқ ва когнитив уруш» олиб бораётганини айтган.
Унинг таъкидлашича, америкаликлар 80 йилдан ортиқ вақт давомида деярли ҳеч бир давлатдан «йўқ» деган жавобни эшитмаган. Шу сабабли улар Эрон халқи мамлакатга қарши агрессив уруш бошланишидан олдинёқ таслим бўлади, деб нотўғри ҳисоблаган.
«Бу хаёл ҳеч қачон амалга ошмайди», — деди генерал.
Абдуллоҳийнинг фикрича, АҚШ ва Исроил ўзларининг стратегик камчиликлари ва муваффақиятсизликларини юмшатиш учун юмшоқ ва когнитив уруш, шунингдек, иқтисодий босимдан фойдаланишга уринмоқда. Бироқ у Эрон халқининг жасорати ва мамлакат раҳбариятининг донолиги туфайли душман бу йўналишларда ҳам муваффақиятсизликка учрашини айтди.
Эроннинг юқори лавозимли қўмондони мамлакат Қуролли кучлари АҚШ ва Исроилга асимметрик тарзда қарши туриш ҳамда мавжуд таҳдидларга қарамай ташаббусни сақлаб қолиш имкониятига эга эканини таъкидлади.
Генерал Абдуллоҳийнинг айтишича, Эрон Ислом Республикаси дунёга қаршилик кўрсатишнинг янги моделини тақдим этган. Унинг сўзларига кўра, келажакдаги дунё ўтмишдагидан фарқ қилади, бу ўзгаришлар Эрон халқи манфаатига хизмат қилади ва АҚШ қудратининг пасайиши билан бирга кечади.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
