"Ғазода кўраётганимиз шу қадар оғриқлики, бутун вужудим оғрияпти..."

Манчестер университетининг фахрий унвонини олган Пеп Гвардиола Ғазо ҳақида таъсирли нутқ сўзлади.

"Ғазода кўраётганимиз шу қадар оғриқлики, бутун вужудим оғрияпти. Гап мафкура ҳақида эмас, ҳаётга муҳаббат ҳақида. Бу энг муҳим пайтда жим туриш ёки ҳаракатсиз қолишдан бош тортиш ҳақида"

Кеча Пеп Гвардиола Манчестер университетида бўлиб ўтган махсус маросимда иштирок этди.

Директор Назир Афзал Пепга Манчестер университетининг жамият ва ижтимоий қадриятларни яхшилашга катта ҳисса қўшган инсонлар учун энг олий мукофоти бўлган фахрий докторлик унвонини топширди.