Ғазо шаҳри аҳолиси: Нетаняҳунинг ёрдам ҳақидаги сўзлари "бутунлай ёлғон"

Ғазо шаҳрининг шимолий қисмидаги аҳоли халқаро гуманитар экспертлар Фаластин ҳудудида очарчилик хавфи яқинлашаётгани ҳақида огоҳлантирган бир пайтда, ёрдам етишмаслиги туфайли ташвишга тушмоқда.

"Бугун янгиликларда ёрдам келгани ҳақида эшитяпмиз. Бизда эса ҳеч нарса йўқ," - деди 46 ёшли Жамол Ҳассан. "Бугун болалар кечки овқатсиз ухлайди ва шўр сув ичади. Бу ҳозир Фаластин халқи бошидан кечираётган ҳақиқий очарчиликдир, аммо ҳеч ким бунга эътибор бермаяпти."

У яна қўшиб қўйди: "Нетаняҳунинг чегаралар очилиб, ёрдам киритилгани ҳақидаги гаплари ва айрим сохта баёнотлари - буларнинг барчаси ёлғондан иборат."

11 ҳафталик қамал тугагач, Исроил душанба куни тўққизта ёрдамга тўла юк машинасининг ўтишига рухсат берди. БМТ бу миқдорни "денгиздан бир томчи" деб таърифлади.