Франция президенти Эммануэл Макрон ва Польша бош вазири Дональд Туск Украинага тинчликпарвар кучларни юбориш масаласини муҳокама қилишни режалаштирмоқда. Миссиядан кўзланган мақсад Украинада урушдан кейин барқарорликни таъминлашдан иборат.
Нашр қайд этади: Париж ва Варшава хорижий қўшинлар иштирокида 40 минг кишилик тинчликпарвар миссиясини яратиш масаласини муҳокама қилмоқда. Бироқ, Польша расмийлари ташаббуснинг муваффақиятига унчалик ишонмаяпти. Варшава бундай операциялар НАТО ёки БМТ каби халқаро ташкилотлар томонидан мувофиқлаштирилиши ва икки томонлама форматда ҳал қилинмаслиги кераклигини таъкидлайди.
Полшанинг юқори мартабали амалдорларидан бири Politico нашрига берган интервьюсида «Украинага Полша қўшинларини юбориш фақат НАТО доирасида мантиқий» деди.
Тинчликпарварлик миссияси ташаббускори Франция президенти Эммануэл Макрон эди. Шу йилнинг февраль ойида у уруш авжига чиққан пайтда Украинага ҳарбий инструкторлар юборишни таклиф қилган.
